A CIG Ensino denuncia a redución do 69% no orzamento para as axudas aos equipos de normalización

Pola vía orzamentaria esta orde impide a realización de actividades de normalización durante todo o primeiro trimestre de curso
A CIG Ensino denuncia que a Consellaría de Educación se reafirma na supresión progresiva da normalización lingüística nos centros educativos. A convocatoria de axudas a centros público para a realización de proxectos de fomento do uso do galego, promovidos polos equipos de dinamización lingüística e polo profesorado responsable do proxecto naqueles centros de ensino de menos de tres unidades, durante o curso escolar 2011-2012, sofre unha redución orzamentaria do 69% respecto da convocatoria dos cursos 2009-2010 e 2010-2011 e do 75% respecto do curso 2008-2009.
Os orzamentos destinados a proxectos de normalización da nosa lingua nos centros sufriron un duro revés desde a chegada do Partido popular ao goberno da Xunta de Galiza. Desde entón, a través da Secretaría Xeral de Política Lingüística, procedeuse a un primeiro recorte das axudas que quedaron fixadas en 800.000€. A CIG-Ensino denunciara no seu día a redución dun 20% do orzamento destinado aos Equipos de Normalización Lingüística, pois fronte ao millón de euros asignados para o curso 2008-2009, no cursos 2009-2010 e 2010-2011 a partida orzamentaria soamente acadaba os 800.000€.
Mais para o curso 2011-2012 aínda empeorou moito máis a situación. Primeiro, produciuse un atraso excesivo e premeditado na convocatoria, o curso en que máis tarde se realiza. Segundo, impídese a realización de actividades no primeiro trimestre, setembro 2011-decembro 2011, pois a convocatoria sinala taxativamente que só se aceptarán facturas do ano 2012 (até o 30 de xuño). E terceiro, o orzamento total redúcese nun 69% pois pasa a ser soamente de 250.000€, 550.000€ menos ca nas convocatorias dos dous cursos anteriores e 750.000 € menos ca nas partidas asignadas antes da chegada do PP á Xunta.

O hospital de Fátima de Vigo rectifica: os pacientes poderán dar o consentimento informado en Galego

A Mesa parebenízase polo froito da presión cidadá e pola firmeza e compromiso do cidadán afectado, que non renunciou aos seus dereitos lingüísticos.O cidadán que a pasada semana puxera en coñecemento da Mesa pola Normalización Lingüística, a través do seu servizo A Liña do Galego, o grave caso de discriminación lingüística que viña de paceder no Hospital Nosa Señora de Fátima de Vigo poderá asinar finalmente o consentimento informado para o tratamento dos datos persoais en galego antes da intervención á que se vai someter, tal e como expresamente solicitara.

A Mesa pola Normalización denuncia un caso de discriminación lingüística nun centro hospitalario de Vigo

Grave caso de discriminación lingüística nun centro hospitalario de Vigo

O Hospital Nosa Señora de Fátima ameazou presuntamente con non operar un doente se este non asinaba un documento en castelán que previamente solicitara en galego

A Mesa considera este caso “inadmisíbel” e pide responsabilidades directas ao SERGAS, que mantén un concerto co centro privado vigués para derivar doentes da rede pública

Disquecool, o medio de tendencias made in Galicia

Recomendamos hoxe una páxina Web para os interesados no mundo das novas tendencias. Nela atoparedes información sorbre arte, deseño, cine e TV, estilos de vida, moda, música, tecnoloxías ou Marketing. E o mellor de todo ¡na nosa lingua!.

Concurso Cartas de amor. San Valentín 2012

TODAS AS CARTAS DEBERÁN:
-SER ORIXINAIS
-INCLUÍR NOME E APELIDOS DO AUTOR/A
-ESTAR ESCRITAS EN LINGUA GALEGA
-DESENVOLVER UN TEMA RELACIONADO CO AMOR
-TER UNHA ESTENSIÓN MÁXIMA DE DÚAS PÁXINAS

O XURADO VALORARÁ:
-A CALIDADE LITERARIA DAS CARTAS
-O CORRECTO USO DO IDIOMA GALEGO
-A ADAPTACIÓN AO TEMA PROPOSTO

PRAZO DE PRESENTACIÓN:
-ATA O 6 DE FEBREIRO

COMO ENTREGALAS:
- ENTREGARSE A ALGÚN MEMBRO DO EQUIPO DE DINAMIZACIÓN DA LINGUA GALEGA (PACO, MARICARME FERNÁNDEZ OU ANDRÉS), OU NA VICEDIRECCIÓN (DIEGO).